Nafarroa Oinez 1997

Urtea: 1997
Leloa: Lan ta lan auzolan
Herria: Tafalla
Ikastola: Tafalla

Lan ta lan auzolan

Hitza: Angel Iriso
Musika: Iñigo Agerri

Lingua navarrorum
arras atzendua bazan
ikastola tipia
eta hagitz gutxi ginan,
baina joan gara aitzina
lur idorren artetik
euskera jagi hadi
bertze ororen gainetik.

Lingua navarrorum
arras atzendua bazan
ikastola tipia
eta hagitz gutxi ginan,
baina joan gara aitzina
orain aunitz gerade
euskera jalgi hadi
biziki kontent gaude.

Bertzeekin batera
lan ta lan auzolan
zabal zazu euskera
zure herriko karrikan(bis).

Gure hizkuntza Tafallan
sekula ez da izan arrotz
biziki atxiki dugu
gure-gurea delakotz.
Bete zure barrena
harrotasun arnasaz
erran arront ozenki
ni mintzo naiz euskaraz.

Gure hizkuntza Tafallan
sekula ez da izan arrotz
biziki atxiki dugu
gure-gurea delakotz.
Bete zure barrena
gogo eta adorez
erran arront ozenki
gora Nafarroa Oinez!.

Bertzeekin batera
lan ta lan auzolan
zabal zazu euskera
zure herriko karrikan(bis).

Bertzeekin ....

 Nafarroa Oinez 1997ko kanta - Audioa deskargatu