Urtero legez, hementxe da Artea Oinez erakusketa. Aurten Nafarroa Oinez antolatzen ari den Paz de Ziganda Ikastolaren eskutik. Erakusketak egun, bere, 28. urteurrena ospatzen du eta ohi bezala, Iruñeko Kondestablearen Jauregian izango da ikusgai ekainaren 1era arte. Lehen mailako erakusketa hau Euskal Herriko 90 artisten artelanek elikatzen dute, zeintzuen eskuzabaltasuna zinez eta bihotzez eskertzen baitugun. Benetako plazera da hainbeste artelanen artean paseatzea, eta hortaz, erakusketarekin gozatzera hurbil zaitezten gonbidatzen zaituztegu. Bien bitartean, Paz de Ziganda Ikastolan sortu dugun katalogoan ikusi ahalko dituzue lan guzti-guztiak.
Buruz, bihotzez, oinez!
Laguntzen du
Europar Batasunak finantzatua - NextGenerationEU
