NAFARROA OINEZ 2018
URRIAK 21 - Altsasu
Iņigo Aritza ikastola

Gure ikastolak biltzen duen zonaldea lau herriz osaturik dago (Ziordia, Olazti, Altsasu eta Urdiain), Sakana eskualdearen mutur batean dago eta Gipuzkoa eta Araba ditu mugan. Zenbaki biribiletan adierazita, 10.000-ren bat biztanle ditu. Biztanleria  honen euskaraz hezi nahiari erantzuten saiatzen da Iñigo Aritza ikastola.

Ikastola sortu eta urte askotan, neska-mutikoen euskaraz ikasteko, aukera bakarra izan zen. Euskararen arnasgune eta berreskurapenerako funtsezkoa, batez ere  erdaldunak ziren herrietan (Altsasu, Olazti eta Ziordia). Gaur egun D eredua soilik eskaintzen duen ikastetxe bakarra da Altsasun.

Historian murgilduz data garrantzizko batzuk aipatu beharko genituzke. Euskal Herriko kasu guztietan bezala, guraso ausart, euskaltzale eta ekintzaile batzuei esker sortu zen hemen ere ikastola eta ibilbideari ekin.

  • 1969: Olaztiko ikastolaren sorrera
  • 1971: Altsasuko ikastolaren hasiera
  • 1972: Urdiaingo ikastolaren hasiera
  • 1976: Aralarko Mikel Donea kooperatiba sortu zuten gurasoek. Gerora Iñigo Aritza eta Andra Mari izena hartu zuten ikastolek osatuta.
  • 1979: Altsasuko Iñigo Aritza ikastetxearen inaugurazioa
  • 1981: Lehenengo NAFARROA OINEZ bateratua (Iñigo Aritza eta Andra Mari)


Ia diru-laguntzarik gabe etxeari gutxienez eutsi egin beharko zitzaion eta Nafarroa Oinez 81aren antolaketa bere gain hartzea erabaki zuten Altsasuko eta Etxarriko bazkideek. Garai hartan Sakanako ikastoletan sakabanaturik 568 ikasle ziren. Lehenengo Nafarroa Oineza izan zen, diru iturri bat baino gehiago, gerora eman den bide eder baten hasiera.

  • 1982: Ziordiko lehen ikasleen matrikulazioa
  • 1985: Sakanako bi zonaldeen banaketa (Altsasu eta Etxarri Aranatz)
  • 1992: Urdiaingo ikastola istea
  • 1993: NAFARROA OINEZa Iñigo Aritzan

Iñigo Aritza ikastolak antolatutako lehenengo Nafarroa Oineza. Eguraldi hotza eta tartekako euri langarrak ez zuen milaka euskaltzaleren borondatearen gainean eraginik izan. 75.000 lagun bildu ziren eta antolakuntza oso ona izan zen (2400 lagun lanean). Lortutako dirua basoko ikastola berritu eta handitzeko erabili zen (DBHko gelak eta frontoia)

  • 1995: DBH-ren ezarpena ikastolan
  • 1996: Altsasuko Ikastolaren 25. urteurrena


Ikastolaren sorreratik ordurarte gertatutakoak deskribatzen duen liburu bat argitaratu zen. Urte honetan DBHa martxan jartzeko berrikuntzak egin behar izan ziren eta 1993ko Oinezean lortutako diruak bultzada handia eman zion.

  • 1998 Altsasuko Udalak utzitako Domingo Lumbier eraikinetik, Navarro Villoslada eraikinera pasa zen Haur Hezkuntza
  • 2005: Iñigo Aritzaren bigarren NAFARROA OINEZak Txioka haur ikastola eraikitzea zuen helburu
  • 2008: Txiokako obrak burututa, Haur Hezkuntzako gelak Navarro Villosladatik Txioka eraikuntza berrira pasatu ziren
  • 2009: KEI (Kalitate Egitasmo Integrala) saria jaso zuen Euskal Herriko lehen ikastetxea izan zen
  • 2011: Olaztiko ikastola istea


Hurrengo ekitaldiak

Online denda Egin zure ekarpena Babesleak