Logoa

Logoaren esanahiak bere osotasunean du indarra. Eta logoaren zati bakoitzak indar propioa du, definitzen gaituzten alderdi nabarmenenak biltzen baititu. Auzolan ereduan bezala, zati bakoitza osotasunaren parte da. Osotasuna ez da ulertzen zati guztien batura bezala ez bada.

Eguzkitik abiatzen gara; Argia Ikastolan jaio eta Tutera eta Erribera osoa hartzen ditu bere barne.

Etorkizunera begirako norabidea zehazten dugu, non gure hizkuntza izango den helburu dugun hezkuntza markoaren oinarria.

Gure zonaldeak duen aniztasun berezia hartzen dugu kontuan, elkar ezagutzeko eta onartzeko, gure ondoan eta gurekin bizitzen ditugun askotariko sentsibilitateetara hurbiltzeko, eta Ikastolako komunitate osoa eta bere ingurua aberasteko aukera bezala. Inklusibitateak gidatzen du gure eguneroko jarduna.

Hori guztia gure Nafarroa Oinez proiektuan kokatzen da, Nafarroan Ikastolaren hezkuntza proposamena egotearen eta irautearen, eta euskararen finkapenaren sinbolo gisa.

Logoa



Hurrengo ekitaldiak

Online denda Egin zure ekarpena Pedro Luis Kontserbak Babesleak Boluntarioak